O voluntariado do Prestige xa pode reencontrarse,  dende hoxe, na web de Galicia en Color, www.galiciaencolor.es. Unha plataforma on – line que xurde no marco do proxecto que leva o seu nome, e que é promovido pola Asociación de Profesionais do Turismo da Costa da Morte (APTCM).

            Galicia en Color – Rede de reencontros 10 anos despois, ten como principal obxectivo agradecer a labor do voluntariado do Prestige, na limpeza das costas galegas, así como motivar o seu reencontro.  “A web será o primeiro espazo para que voluntarios e voluntarias de Europa, o resto de España e mesmo Galicia poidan compartir experiencias e lembrar o vivindo hai unha década”, explica o presidente de ATPCM, Manuel Pan.

            Dende a entidade aseguran que actualmente non existe ningunha plataforma virtual que reúna a toda a comunidade voluntaria da Marea Branca, segundo Pan “actualmente na web só se atopan blogs desactualizados de voluntarios do Prestige, así como moito material gráfico e audiovisual subido a rede polos propios movementos solidarios”. Neste senso, o presidente de APTCM destaca a importancia de homenaxear ao voluntariado  ofrecéndolle un espazo propio, no que poder atoparse con antigos compañeiros e compañeiras, así como compartir  material gráfico ou e organizar xuntanzas en Galicia.

UNHA WEB PARA REENCONTRARSE

“Grazas” é a mensaxe principal que quere transmitir  “Galicia en color” e tamén o primeiro que se emitirá na etapa inicial da publicación da web. Para elo na cabeceira do portal aparece un vídeo de agradecemento no que aparecen veciños da Costa da Morte, vinculados ao mundo do mar e relacionados coa Marea Branca. Nesta peza audiovisual, persoas de diferentes puntos do litoral agradecen  e lembran os momentos vividos cos voluntarios e voluntarias chegados de distintos puntos do país. Tamén se pode ver a descrición do proxecto e as seccións que se porán en marcha nos vindeiros días.

“Eu estiven alí” É unha invitación aos máis de 300.000 solidarios e solidarias que estiveron en Galicia hai 10 anos para que compartan as súas experiencias en texto, vídeos e imaxes. “Todo o compartido polos voluntarios será difundido nas Redes Sociais de Galicia en Color” engade Manuel Pan.

Outro espazo destacado é o de “voluntarios polo mundo” que consiste nun mapa interactivo que indicará os lugares de procedencia do voluntariado que está rexistrado na web.

Segundo o presidente de APTCM “A web é un espazo vivo, onde se xera a comunidade, e se informará das distintas accións do proxecto, así como de aquelas actividades de interese para os homenaxeados.”

Contactos de prensa:

prensa@galiciaencolor.es

“GALICIA EN COLOR” UNHA HOMENAXE Á MAREA BRANCA
APTCM presenta unha campaña para favorecer o reencontro do voluntariado do Prestige e agradecerlles a súa solidarizade, no décimo aniversario do afundimento.

A Asociación de Profesionais do Sector Turístico da Costa da Morte (APTCM) presentará “Galicia en color – Rede de reencontros, 10 anos despois”  na Feira Xantar, o vindeiro  sábado 4 de febreiro as 12:30 no stand da Deputación da Coruña, en Ourense.

O proxecto a nivel autonómico, ten como obxectivo principal favorecer os reencontros dos milleiros de voluntarios e voluntarias que colaboraron cos traballos de limpeza da costa galega, e agradecerlles o seu esforzo e solidarizade. Neste sentido preténdese deixar atrás a visión bicolor  (branco – negro) do afundimento e amosar os avances positivos que experimentou o territorio galego nos últimos 10 anos.

A petición de varios socios, a Asociación Profesional do Sector Turístico da Costa da Morte mantivo conversas con Booking, un dos portais de reserva polo que entran mais clientes aos establecementos da Costa da Morte.
Ata fai uns días, cando un turista que buscaba aloxamento na Costa da Morte a través de Booking, está páxina incluía nos seus resultados a hoteis de Ares, Betanzos, Oleiros ou Arteixo, coa conseguinte posible perda de clientes para os nosos aloxamentos.
Actualmente, a páxina de Booking identifica á Costa da Morte co xeodestino oficial e soamente figuran aloxamentos radicados nos 17 concellos que conforman a Costa da Morte.
Por este motivo, queremos agradecer a Booking o seu esforzo por adaptar os seus contidos a realidade do noso territorio.
Desde APTCM valoramos moi positivamente este logro xa que mais do 90% dos hoteis da Costa da Morte que traballan con Booking están asociados a nosa entidade.
Tamén animamos aos nosos socios e socias e a todo aquel que estea vinculado ao mundo do turismo na Costa da Morte a que nos fagan chegar as súas propostas para a mellora do noso sector.

]]> http://www.aptcm.es/index.php/aptcm-y-booking/feed/?langswitch_lang=gl 0 http://www.aptcm.es/index.php/dossier-galicia-en-cor/ http://www.aptcm.es/index.php/dossier-galicia-en-cor/#comments Mon, 05 Dec 2011 10:47:43 +0000 APTCM http://www.aptcm.es/?p=1607 Todos os detalles da iniciativa galiciaencor

A Asociación de profesionais do sector turístico da Costa da Morte (APTCM) presentou esta mañá en Corcubión, a campaña “Galicia en cor – Rede de reencontros, 10 anos despois” unha campaña que nace con motivo do décimo aniversario da catástrofe do Prestige.
O presidente de APTCM, Manuel Pan, acompañado da deputada provincial Zaira Rodríguez, explicou aos asistentes un proxecto novidoso a nivel turístico “que ten como obxectivo principal favorecer os reencontros de miles de voluntarios e voluntarias que colaboraron con traballos de limpeza da costa galega e agradecerlles o seu esforzo e solidariedade.”
Pan explicou que se pretende homenaxear durante o 2012 ás persoas voluntarias que comprometeron o seu tempo coa limpeza das praias, facer visible a recuperación da costa e o traballo do voluntariado, promover a visita organizada de este grupo aos puntos clave da catástrofe, aumentar a demanda turística en Galicia ao tempo que instar á creación de espazos de análise, foros e actos nos que se trate do “turismo de catástrofes”. O presidente de APTCM asegurou que “é un proxecto de todos, aberto a tódalas entidades, xa que é de xustiza agradecer o traballo feito, e amosar o cambio positivo da comunidade durante os últimos 10 anos”.
O proxecto executarase a través de Internet, creando unha comunidade virtual que aglutine a voluntarios e voluntarias, na que poidan compartir a súas experiencias. En destino estas persoas poderán reencontrarse e visitar as zonas relacionadas co Prestige.
Durante o acto Manuel Pan, tamén explicou que o voluntariado que visite Galicia contará cun regalo simbólico, que transmitirá toda a gratitude da comunidade, así como recoñecerá a súa participación no desenvolvemento autonómico. O representante de APTCM, amosou unha botella de cristal transparente, onde dentro contiña area e un certificado enrolado con lazos de cores.
A campaña pretende deixar atrás a visión bicolor (blanco – negro) da catástrofe e amosar os avances positivos do territorio. Isto conseguirase ofrecendo produtos turísticos dirixidos especialmente ao sector homenaxeado.
A deputada provincial Zaira Rodríguez, felicitou a asociación pola iniciativa e salientou que “o Prestige supuxo unha catástrofe pero tamén unha oportunidade”, en este senso trasladou o recoñecemento da Deputación ao proxecto.
Manuel Pan agradeceu a presenza da deputada e asegurou que “APTCM agarda contar co apoio da Administración para coñecer o traballo do voluntariado, así como para impulsar o turismo de Galicia dende unha perspectiva nova e dinámica.”